Drogomisht i Vogel - MANIFESTIMI 2008

Manifestimi tradicional DROGOMISHTI I VOGEL-BASHKE

Në një atmosferë imponzante me afro pesë mijë vizitorë nga të gjithë trojet shqiptare kaluan caste të këndshme në manifestimin tradicional Drogomishti i Vogël – Bashkë,i cili është i pari dhe i vetmi i këtij lloji te shqiptarët e Maqedonisë.

U prezentuan ushqime tradicionale të kuzhinës shqiptare të pergatitura nga gratë e fshatit pastaj veshje tradicionale, ekspozite nga piktorët e fshatit, gara në sport etj. të cilët bashkuan të gjithe mërgimtarët që punojnë në shtete të ndryshme të botës në Europë e Amerikë.

Ishte një manifestim, i cili la një mesazh të qartë që kurbetqarët dhe mërgimtarët sa më shpejt të kthehen dhe të investojnë në vendlindje.

Mbrëmje solemne ndër të gjitha e nderuan edhe shkrimtarë dhe poetë nga Kosova si Hydajet Hyseni, Berat Luzha, Agim Gjakova, nga Shqipëria ambasadori dhe shkrimtari, i cili qëndroi për dy ditë me radhe në këtë manifestim z. Besnik Mustafa, aktori i madh Mirush Kabashi, shkrimtari Kalosh Celiku si dhe mysafirë të tjerë. Për herë të parë në këtë manifestim tradicional ishte i pranishëm edhe lideri i BDI – së Ali Ahmeti, i cili ndër të tjëra theksoi se kurbeti eshte nje plagë e rendë, e cila duhet shëruar sa më shpejt, që të krijojë kushte për investim nnë vendlindje.

Ketë manifestim me një program kulturo-argëtues e pasuruan edhe femijet e fshati Drogomish i Vogel si Drilona Abdiu, Adisa Mehmedi, Hajrije Jonuzi grupi i valleve, Rock Grupi "Uskana e RE", Remzi Rrushaj pastaj mezosopranoja Besiana Mehmedi dhe profesori Blerim Grubi. Drejtori i këtij manifestimi z. Sadik Emroja në një prononcim për mjetet e informimit theksoi se manifestimi mblodhi në një tryez të perbashkët të gjithë shqiptarët si nga Kosova, Shqipëria, Kosova lindore, Kumanova, Shkupi, Tetova, Gostivari dhe Struga. Ndër të tjera ai theksoi se atë që nuk mund ta bën politika ditore shqiptare në Maqedoni mund ta bëjë vetëm kultura, e cila nuk njeh kufij sepse kultura është ambasador i një kombi.

Manifestimi tradicional Drogomishti i Vogël – Bashkë sipas fjalëve të ambasadorit, shkrimtarit dhe politikanit Besnik Mustafaj është një bletëz e vogël, e cila e dhuroi mjaltin që shijuan të gjithë shqiptarët kudo që janë.

Në një atmosferë impozante me fishekzjarre të shumta u përmbyll edicioni i dytë i këtij manifestimi, i cili vazhdoi deri në orët e hershme të mëngjesit ndërsa të gjithë të pranishmit porositnin njëri tjetrin të shihemi përsëri më 7 dhe 8 gusht te v. 2009

Fakti,koha, alsat-m,lajm, tvm,rtk

Vendi per REKLAMA